CONCELHO JUVENTUDE VIQUEQUE: INTERCAMBIO JUVENTUDE VIQQ BA SAME

CJDV

-->

A. Introdusaun

Conselho Juventude Distritu Viqueque (CJDV) hanesan organizasaun reprezentasaun ezekutiva husi organizasaun juventude distritu Viqueque ne’ebe hamahon an iha CJDV nia okos, nu’udar parte integradu husi Conselho Nacional da Juventude de Timor Leste (CNJTL), ho karakteristiku ‘unidade nasional, kreativu, inovativu, independente, demokrativu, projustiça, promove potensia lokal, la-buka lukru, non partisan, non sectarian, no hamriik nu’udar organizasaun sosiadade sivil ne’ebe sai parseiru dezenvolvimentu no kontrolu-sosial ba Orgaun Soberanu no Stakeholder hotu iha Dezenvolvimentu Nasional liuliu promove no defende interese juventude nian.

Bazeia ba Statutu organizasaun nian, CJDV hamriik hodi kontribui ba estabelesementu paz iha ambiente simu-malu, moris-hamutuk liuhusi hakribi violensia hodi kontribui ba dezenvolvimentu nasional ida-ne’ebe hala’o iha dame no toleransia nia laran.

Iha principiu Organizasaun CJDV katak oinsa atu hakbi'it no kaderiza Juventude atu neon ida laran ida hodi kria paz no estabilidade iha teritoria Nasaun Timor Leste, liu-liu iha Distrito Viqueque, tan ne'e CJDV hetan apoiu e tulun husi Caritas Australia hodi implementa Aktividades ka Programa Peace Building Community and Familly Violence Prevention mak hanesan : “ Intercambiu Juventude Entre Suco's no Intercambio Juventude entre Ditrito's”.

Aktividade ka Programa ne'ebe CJDV halao, hodi hetan fasilitasaun no apoiu no halo preparasaun ba implementasaun programa, hahu husi formasaun e assina akordo de servisu entre CJDV ho Caritas Australia, Halo Planu Estrategia ba Aktividades iha Fulan ne'en (6) nia laran (Janeiro to'o Junho), tuir akordo ne'ebe mak hetan kongkordancia entre CJDV ho Caritas Australia, hodi halao programa ba premeira etapa mak hanesan :Intercambio Juventude Viqueque halo Vizita ba Juventude Manu Fahi iha Fulan Febreiro no Juventude Manu Fahi halo Vizita mai iha Juventude Viqueque iha Fulan Marco 2012.

B. Objektivu

Hametin Unidade Nasional
Promove espiritu toleransia no hadomi malu iha ambiente paz no hakmatek
Reafirma pozisaun CJDV nu’udar organizasaun juventude baze ho karakteristiku : Unidade Nasional, Imparsial/Independente, Demokratiku no Professional
Hametin politika parseria iha nivel Distritu ho entidade Estadu no Sosiedade Sivil no mos Comunidade.
Valiriza Istoria ne'ebe fundamental ba Juventude hodi promove identidade cultural.
Fo konsensia humanidade no mentaliza Juventude ne'ebe forte no organizado, regulado atu firme hodi haberan liu tan Istoria no identidade cultaral ida sustentabilidade ba futuro

C. Rezultadu ne’ebe sei hetan.

Juventude Distritu Viqueque no Juventude Distrito Manu Fahi iha konfiansa, koperasaun, amizade, fraternidade no resposabilidade.
Promove kordenasaun e koperasaun entre Juventude, Autoridade Lokal nomos Comunidade.
Juventude Distrito rua (2) informado ho estoria ba fatin estorico no sai hanesan esperiensia hodi halo comparasaun atu bele habelar no hatutan ba ita gerasaun foun.
Aprende Situasaun actual Comunidade baze iha Distrito ida.
Hetan mos akordu de Unidade ida entre Juventude Distrito rua (2) ne'ebe apresia liu husi Assina Plaka de Amizade no Kuda Ai – Hun Dame.

Patung Dom Boaventura

-->

D. Methodologia

Konsentra Juventude Distritu Viqueque (Intercambio Viqueque ba Same).

a. Halao Seminar.

b. Vizitasaun ba Fatin Estorico.

c. Assina Plaka no Kuda Ai – Hun Dame.
Konsentra Juventude Distritu Manu Fahi (Intercambio Same mai Viqueque).

a. Halo Akapamento / Mini Escauts.

b. Halo Seminar.

c. Vizitasaun Fatin Estorico.

d. Animasaun Muzica no Loke Fimagem ba Comunidade.

e. Tau Ai – Funan no Sunu Lilin.

f. Le'e declarasaun Lifau.

g. Danca Tradisional.

h. Kuda Ai – Hun Dame.

i. Halo evaluasaun geral aktividades.

E. Fatin no Tempu

Fatin ba halao aktividade Intercambio ne'e halao tuir ida idak nia Distrito mak hanesan :

1. Juventude Distrito Viqueque ba Distrito Manu Fahi.

a. Fatin iha Same Vila (Centro Juventude Maun Fahe).

b. Tempo implementasaun iha data, 14 – 17 de Febreiro de 2012

2. Juventude Distrito Manu Fahi mai Distrito Viqueque.

a. fatin iha Distrito Viqueque Vila (Suco Bibileo / CRARAS ).

b. Tempo Implentasaun iha data, 6 – 9 de Marco de 2012

F. Partisipantes (total: ema na’in 100)

Juventude ne'ebe mak partisipa iha programa Intercambio ne'e, kompostu no identifika husi : Membro CJDV, FOSCA, ESTUDANTE, JUVENTUDE SUCO ELEITO no JUVENTUDE BAIRO engeral Juventude sira ne'ebe mak aktivu e fokal iha Distrito Viqueque.(Annexo)

G. Ekipa Organizadora

Estrutura Xave CJDV hamutuk ho PO. No mos membrus Divizaun sira hotu mak organiza hodi hala’o preparasaun adekuadu no propriu atu bele realiza eventu importante ba Juventude Distritu Viqueque.

H. Konvidadus Ezklusiva no Orador

Konvidadus ne'ebe partisipa iha programa ne'e mak fokus liu ba Juventude sira, maibe hetan apoiu maximu husi Comunidades, Lider Comunitari nomos Donator Caritas Australia.

Orador nebe mak fo kontribuisaun ba aktividade seminar ne'e, tuir planu ne'ebe traca ona husi CJDV mak, Orador husi parte Igreija (Amo Paroquia), Autoridade

Lokal (Administrador Distrito), Pulisia (Komandante Comando PNTL Distrito), Parte Ea Individual (husi Sosiadade sivil/NGO lokal) ida ne'ebe mak ho nia pozisaun neutru no la depende ba parte ida, tan hare ba kondisaun iklima no preukupasaun seluk, ho ida ne'e mak Orador seluk la marka sira nia prezenca maibe so Orador

Individual ka sosiadade sivil ne'e maka derize prosesu mini seminario ne'e remata, no hodi akompanha mos ba halo Ziarah ka ho ai funan to'o rasik iha fatin

estorico MASACRE CRARAS TAHU BEIN, vizitasaun ida ne'e hetan apoiu maka'as husi comunidades iha Craras no akompanha ai – funan no lilin hodi ba kari no soe tuir be'e ou mota bot craras, hahalok hirak ne'e hatudu katak atu lebra hikas fali ita Heroi ka Luta nain sira ne'ebe mak oras ne'e ruin namkari lemo-lemo, Anin, Udan, no dadurus mota bot ne'ebe hodi ruin hirak ne'e to'o ona iha tasi.

I. Mensagem

Hare ba preukupasaun hirak ne'e importante tebes ba pasus husi Juventude ba iha futuru tan ne'e hetan mos Mencagem furak husi Sr. Chefi do Suco konaba prosesu Intercanbio nomos aktividades seluk ne'ebe mak bele hanorin no eduka Juventude sira hodi bele hadomi malu, simu malu, rona malu, no bele kontribui maka'as ba prosesu dezenvolvimento nasional liu-liu dezenvolvimento ne'ebe mak adekuado no sustentabilidade ba futuru hodi nune'e bele Redus Dezenprgo no hasae Emprego iha ita nia rai laran.
Mensagem seluk mos hato'o husi Figura comunidade ne'ebe sai mos hanesan Vitima ida iha Mascre Craras ne'e, hodi menci mos konaba papel importante ba Juventude sira iha situasaun Globalizasaun ne'ebe lao ona iha ita nia rai laran no husu ba Juventude sira tengke iha ispirito ida ne'ebe mak maka'as atu bele dezimina no habelar ita niu ricu soin ne'ebe iha no oinsa atu kaer metin nafatin ita nia prinsipiu hanesan ema Timor oan ne'ebe mak hambrik metin hodi defende ita nia Estoria Funu ba Libertasaun du Patria iha Timor Leste engeral liu-liu iha ita nia Distrito ida – idk atu nune'e imagen no identidade hanesan timor oan lebele mohu no lakon iha gerasaun oin mai.
Coordenador mos hato'o Mensagen ba partisipantes intercambio hotu katak papel juventude hanesan ai rin nasaun persija atu mentaliza nafatin hodi kolabora ho entidades hotu – hotu no kapasita nafatin atu nune'e bele iha skill ka kapasidades atu bele partisipa aktivo iha prossesu dezenvolvementu iha futuru.

J. Dokumentasaun

Dokumentasaun ba aktividades durante preparasaun no to'o mai iha Intercambio no seminar ne'e ami tau ona iha Annexo no ami koko ona atu halo ba Filmagem ida liu husi CD atu nune'e bele sai mos hanesan referensi ida ba ita nia maluk seluk ne'ebe mak la partisipa iha eventu ne'e no oinsa bele sai mos hanesan Guia ka mata dalan ida ba gerasaun oin mai atu nune'e bele hatutan no habelar liu husi matenek ka esperiensia ne'ebe sira hare no hetan.