VIQUEQUE CRARAS

Mini Intercambio Juventude  
MANUFAHI HO VIQUEQUE iha CRARAS

Ba aktividades mini intercambiu ne'e mos kontinuasaun husi rotasaun nebe maka halao ba permeira parte iha dia 14 – 17 nebe maka juventude Viqueque ba Vizita Juventude Sira iha Same (Manufahe) Centru Maun – Fahe.

Aktividades mini intercambiu Juventude ne'e ho Tema geral : oinsa “ Hari'i Ligasaun Entre Juventude no Hakiak Esperitu Konfiansa ba Malu”.

Rasaun katak oinsa bele kria amizade entre juventude sira no bele konhese no hatene kultura / historia husi distrito refere. 

Objectivu Spesificu maka :

• Hametin Unidade, Amizade no Fraternidade
• Oinsa juventude sira bele fahe esperencia ba malu
• Oinsa bele kria juventude atu bele moris mesak / hidup mandiri.
• Atu promove no Dezenvolve ita nia kultura rasik hodi hatutan ba gerasaun foun tuir mai.

Hodi bele responde ba nesesidades ida-ne'e, Concelho Juventude Distritu Viqueque nu'udar responsavel maximu ba eventu ida-ne'e Estabelese objetivu espesifiku hodi hala'o esforsu no aproximasaun apropriadu oioin atu nune'e eventu ida-ne'e bele realiza ho diak, transparante no nakonu ho responsabilidade.

liuhusi esforsu oioin no mos asistensia husi Caritas Australia hanesan parseria nune'e mos Juventude voluntariadu sira, hau apresia tebtebes esforsu sira-ne'ebe promove hodi fo-susesu ba eventu ida-ne'e. Aleinde ne'e, hanesan coordenadora propoin ba belun sira hotu nebe maka partisipa iha eventu ida ne'e husu ita bo'ot sira nia partisipasaun maximu atu nune'e bainhira to'o eventu nia rohan expektasaun Juventude distritu Viqueque no juventude Manufahi nian ne'ebe apropriadu bele hetan rezultadu ne'ebe di'ak.

Hanesan juventude ema sempre hateten katak ita mak Ai Rin ba Nasaun, ita mak Paz no Dezenvolvementu, maka sai ai rin ba Nasaun tengki forti, se juventude moris la hakmatek maka dezenvolvementu mos sei la lao. Ho ida ne'e maka hau hakarak propoin ba maluk amigos /as sira hotu atu bele hametin esperanca Patriatismo no Nasionalismu nebe maka a'as ba iha ita nia Rai doben ida ne'e Hodi prepara an ba Festa Demokrasia nebe maka mai dadauk ne'e bele selebra ho diak. nu'udar Corrdenadora ba Concelho Juventude Distritu Viqueque atu remata hakarak espresa fraze simples oan ida hodi ita hotu (juventude Viqueque ho Manufahi) tau ba konsiderasaun durante e depoi de intercambiu ne'e katak :

“ Bainhira iha lialoos iha fuan, sei iha buat furak iha hahalok.

Bainhira iha buat furak iha hahalok,sei iha harmonia iha uma-laran.

Bainhira iha harmonia iha uma-laran,sei iha orden iha nasaun....

Bainhira iha orden iha nasaun, sei iha DAME iha mundu. ”

BOM SUCCESO AMIGOS /AS

Viqueque,19/11/ 2012

Hodi Naran Concelho Juventude Distritu Viqueque 

TILDA 

tau aifunan no sunu lilin hamutuk iha monumentu Craras

obstaclu dalan nebe juventude hasoru iha Craras

dalan ba Tahubein Craras

Tahu Bein Craras

juventude tau aifunan no sunu lilin iha fatin masakre Tahu bein Crasa

Rep. Caritas Australia,Chefe do Suco,Vitima masakre no sociadade civil

prepara ba seminar

prepara tenda ba acampamentu

Bemvindo husi Coord CJDV